Amosando publicacións coa etiqueta Daniel Ballester. Amosar todas as publicacións
Amosando publicacións coa etiqueta Daniel Ballester. Amosar todas as publicacións

venres, 5 de agosto de 2016

80 Vinilos - programa 92 (Especial La MODE, 2ª metade)

La Mode, con Daniel Ballester á voz

Edición nº 92 de 80 Vinilos/h.

Volume nº 46 da Enciclopedia Musical Estatal dos 80s.
Separata especial LA MODE (Especial, 2ª metade).

Neste programa:
  • LA MODE.
         - Wild puppets (Lp.  El Eterno Femenino. Nuevos Medios, 1982).
         - Asuntos exteriores (Lp. 1984. Nuevos Medios, 1984).
         - La cólera (Lp. 1984. Nuevos Medios, 1984).
         - En cualquier fiesta (Lp. 1984. Nuevos Medios, 1984).
         - Panorama (Single, En cualquier fiesta. Cara "B". Nuevos Medios, 1984).
         - Por amor al arte. Single (Por amor al arte/Zowie-Zowie. Cara "A". Nuevos Medios, 1984).
         - Lejos del paraiso -con Daniel Ballester, Voz e guitarra- (Mini Lp. DRO, 1985).
         - Las fans - con Daniel Ballester- (Maxi. DRO, 1985).
         - La evolución de las costumbres (Lp. La Evolución de las Costumbres. Mercury, 1986).
         - Rock-ola (Lp. La Evolución de las Costumbres. Mercury, 1986).
         - Máxima ansiedad (Lp. La Evolución de las Costumbres. Mercury, 1986).



Conduce e apresenta: André "Pequeno Monstro". Difunden: Rádio FilispiM (Ferrol), Radio Fene, Radio Eume (As Pontes), Radio Redondela, Radio Negreira. Para emisión deste programa en radios non comerciais, contacta co Pequeno Monstro.

domingo, 17 de outubro de 2010

80 Vinilos/h - programa 01

La Mode (Antonio Zancajo, Mario Gil, El Zurdo)

Hoxe, 17 outubro de 2010, inicio unha nova serie de programas baixo o título 80 Vinilos/h. A primeira radio que difundirá esta propostas musical é Rádio FilispiM, emisora/colectivo libre e comunitaria de Ferrol, de cuxo grupo fundacional formo parte desde 2004. Como naqueloutra experiencia comunitaria, este proxecto persoal nace nun contexto mediático/comercial pouco favorecedor as iniciativas expresadas en galego. En 80 Vinilos/h, apostamos polo uso normalizado da lingua propia, coa ventureira intención de abranguer non só o interés local, senón global, coa axuda do nexo desa linguaxe universal que é a música.

Antecedentes. "Adictos al Imperdíble" (Radio Popular de Ferrol).
No ano 1983 acheguéime por vez primeria, de maneira activa, a radio local a través de Radio Popular de Ferrol, que daquela emitía no 88.5 FM desde o seu pequeno e "santo" estudio na Domus Ecclesia do bairro de Canido (Ferrol). Con formato de sección dentro do espazo Meridiano FM, presentado polo director da emisora, Jesús Maillo, nace Adictos al Imperdible, un espazo de trinta minutos con emisión no serán dos venres a través da potente emisora ferrolá.

Unha parte da programación de Radio Popular de Ferrol consistía na emisión duns programas enlatados baixo o nome de "La Radio Feliz", producidos por Nonito Pereira, promotor de tantas boas cousas (sello discográfico Abrente, Noroeste Pop Rock, Productora de radio Nosa) desde o seu laboratório sónico en Coruña. Aqueles especiais producidos nos estudios de La Radio Feliz nada tiñan que envexar ás emisións de Radio 3 (RNE). A cualidade de son de Radio Popular de Ferrol era excelente, chegando a cubrir a cidade herculina, namentres Radio 3 aínda emitía en son monofónico para o noroeste peninsuar desde o 94.5 FM.

Con todas isas referencias radiofónicas (La Radio Feliz, Radio 3, Radio 3, mesmo Radio Cadena Pop) nace o primeiro programa musicalmente irreverente de Ferrolterra, Adictos al Imperdíble, ante o asombro do director da popular emisora ferrolá, que ademáis era cura. Programábamos aos Kaka de Luxe, Siniestro Total, Golpes Bajos, Os Resentidos, CharolOX Pow, Polansky y el Ardor, La Mode, Los Pistones, Los Modelos... A historia de como tres adolescenes rematamos comentando música nos estudios das "ondas populares" na Domus Ecclesia ferrolá será contada noutro capítulo. O director da emisora chegou a alcumarnos "adictos al impermeable", parafrasenado o nome do programa, dadas as molladuras que colliamos naqueles longos invernos camiño á emisora desde o nacente barrio de Ultramar.

A etapa oitentera en Radio Fene.
En Radio Fene, nos anos 2000, houbo tamén ocasión para realizar unha serie de programas con estas músicas dentro do espazo "Divertimento para pequenos monstros", outro dos precedentes desta nova serie de programas que hoxe comeza. Algúns daqueles programas foron dixitalizados e subidos ao este blog (etiqueta: Radio Fene). 

Para rematar esta presentación, desexo lembrar a dous amigos da adolescencia que me acompañaron naquela primeira experiencia radiofónica, "Adictos al Imperdible"Ángel Ávalos e Pedro Martín, veciños do daquela nacente barrio de Ultramar. Ámbolos dous marcharon deste mundo demasiado cedo. Para vós, van adicadas cada unha das edicións do programa que hoxe comeza, 80 Vinilos/h.

*
Programa 01.-

        Sintonía do Programa: ANA CURRA - Lágrimas, versión instrumental (Maxi Una Noche sin ti.            Hispavox, 1986).
  • LA MODE - El Observatorio [Lp. La Evolución de las Costumbres. Nuevos Medios, 1986].
  • LA MODE - En Cualquier Fiesta [Inédita. Programa "La Tarde" - TVE. Directo, cantada por Daniel Ballester].
  • LA MODE - La Evolución de las Costumbres [Inédita. Video TVE. Directo].
  • LA MODE - La Evolución de las Costumbres [Lp. homónimo, 1986].
  • LA MODE - Sueño Oriental [Inédita, 1986].
  • LOS PISTONES - Las Siete Menos Cuarto [Maxi homónimo. MR, 1983].
  • LOS PISTONES - No Estás de Suerte [Maxi Las Siente Menos Cuarto. MR, 1983].
  • EPISODIO - Volverte a Conocer [Maxi Luces de Ciudad. MR, 1982].
  • EPISODIO - Sobre el Mar [Maxi Luces de Ciudad. MR, 1982].
  • METRO - El quiere ser tu zombi [Lp. Metro. Citola, 1982].
Conduce e presenta: André Pequeno Monstro.
Emisión: Rádio FilispiM, 93.9 FM (Ferrol).



Related Posts Plugin for WordPress, Blogger...